परिवार नियोजन
छोटका नेना बड़का नेना
एतेक नेनाक कोन प्रयोजन?
समाजक समस्या जकड़ि रहल
बिनु सफल परिवार नियोजन
टुनिया मुनिया गुड़कि रहल छै
एकटा बौआ फुदकि रहल छै
फुदनी फुद-फुद फुदकि रहल छै
बलचनमा दही सुड़कि रहल छै
फुलमतिया माइक मति अछि मारल
कहथि भगवान हमर कपाड़केँ जाड़ल
कहलौं हम अहाँ देब ने दोषू
आबहुँ रूकि जाउ एकरा सोचू
ऐ बिच टुनमा टाँग तोड़ौलक
जखने लोड़ही मॉथ उठौलक
केहेन अकिलपर पड़ल छै पाथर
सातसँ की बढ़ाएब सत्तर
जखने हाथे बाढ़नि देखलौं
लत्ते-फत्ते दलान पड़ेलौं
पकड़ि कान नै देब सजेसन
No comments:
Post a Comment