अशोक दत्त - बाल गीत

सुन-सुन-सुन-सुन एगो बात

चल रोपै छी ढ़ौवाक गाछ

लुच्चीै जेकाँ ढ़ौवा फड़तै

बढ़तै अपनो तैं दिन ठाठ

एक दिन ढ़ौवाक गाछी बढ़तै खूब झमटगर हएतै

घौर्छे-घौर्छे ढ़ौवा गाछमे फड़तै आ फल एतै

तोड़ि-तोड़ि करबै सभटा काज, सुन-सुन. . . . . . .

फुलबारीमे पोखरि खुनएबै सुन्दर घाट मढ़एबै

आम लताम जामुन संग मिठका बैरक गाछ रोपएबै

ताहिपर झुलब साथे-साथ, सुन-सुन. . . . .

बरबिघबा सन चौरमे अपनेसँ मेला लगबएबै

अजब-गजबकेँ खेल-तमाशा आ सर्कस बजबएबै

घुमएतै परी पकडि़ कऽ हाथ, सुन-सुन. . . . . .

किन कम्प्युटर सेहो अनबै, मास्टर आबि सिखए तैं

दुनिया भरिक ज्ञानसँ जे हमरो परिचित करबएतै

रहतै मोटरो गाड़ी पास, सुन-सुन. . . . .