आगे निनियाँ आ-आ
बौवा लए निन ला-ला
देबौ तोरा नवका साड़ी
दौगल-दौगल आ-आ
बौवा हम्मर मिसरीक ढ़ेपा
तोरा माथा जूड़ा-खोंपा
खीर देबो तोरा भरि थारी
सुन्दर सन गीत गा-गा
आगे निनियाँ . . . . . . .
मैना बनबए घरमे खोंता
सिरोलिया करए ओहिमे चोंचाँ
दाना आनय फोड़ि बखारी
सभ मिल बाजय खा-खा
आगे निनियाँ . . . . . . .
चुनियाँ पढ़ए बड़का पोथा
सह-सह ढिल करै छै झोंटा
नम्हर केश ओकर बड़कारी
दौड़ कऽ ककही ला-ला
आगे निनियाँ . . . . . . .
No comments:
Post a Comment