घड़ीमे
घण्टाेक सूइसँ बेसी
मिनटक सूइसँ बेसी
सेकेण्डक सूइ चलै छै
मुदा
कतेक अनसोहाँत लगै छै
जे
सेकेण्डसँ बेसी मिनटक
आ
मिनटसँ बेसी
घण्टाक मान भऽ जाइ छै
अहाँ खूब दौड़ धूप करै छी
अहाँक मगजसँ
पसेनाक पमार बहैत रहैछ ।
माने, अहाँ खूब चलायमान छी
मुदा,
घण्टाक घुसकुनियाँ जकाँ
अहाँक मालिकक मान
बेसी बढ़ि जाइ छनि
एना किएक ने होइ छै
जे चलबो अहीं बेसी करितौं
आ
मान सेहो अहींक बेसी रहैत !
No comments:
Post a Comment