ट्रेनमे लाइन, बसमे लाइन
सिनेमाक हॉलमे लाइन
गैसक गोदाममे लाइन
राशनक दोकानमे लाइन
सभसँ बड़का सैलूनमे लाइन!
जेम्हरे देखू तेम्हरे लाइन!!
स्कूलमे लाइन कॉलेजमे लाइन
डॉक्टरमे लाइन आ वकीलमे लाइन
अस्पताल आ कोर्टमे लाइन
सभसँ बड़का सर्कसमे लाइन!
जेम्हरे देखू तेम्हरे लाइन!!
चाहमे लाइन, पानमे लाइन
पैखानामे लाइन आ पेशाबमे लाइन
होटलमे लाइन, बोतलमे लाइन
सभसँ बड़का पानिमे लाइन!
जेम्हरे देखू तेम्हरे लाइन!!
मन्दिरमे लाइन, मस्जिदमे लाइन
योगीमे लाइन आ भोगीमे लाइन
जोतखीमे लाइन, पंडितमे लाइन
सभसँ बड़का शमसानमे लाइन!
जेम्हरे देखू तेम्हरे लाइन!!
नेतामे लाइन, अभिनेतामे लाइन
खेलमे लाइन आ जेलमे लाइन
ऑफिस आ आवासमे लाइन
सभसँ बड़का सर्विसमे लाइन!
जेम्हरे देखू तेम्हरे लाइन!!
No comments:
Post a Comment